Մերկասառույցի պատճառով 15 բեռնատար է կուտակվել
Ապրիլի 4-ին՝ ժամը 02:10-ին, տեղեկություն է ստացվել, որ Գեղարոտ-Ծիլքար ավտոճանապարհին կան արգելափակված ավտոմեքենաներ. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ:
Պարզվել է, որ Ալագյազ-Սպիտակ ավտոճանապարհի 9-րդ կմ-ին մերկասառույցի պատճառով կա մոտ 15 կուտակված բեռնատար, որոնցից 3-ը թեքվել են և մասամբ փակել ճանապարհի երթևեկելի հատվածը:
Փրկարարներն ուղղել են «Mercedes» մակնիշի 80 MN 033, «ԿամԱԶ» մակնիշի EV 105 RO և «ԿամԱԶ» մակնիշի FS 290 DS պետհամարանիշերով ավտոմեքենաները. ճանապարհը դարձել է երկկողմանի երթևեկելի:
