Սիրիական զորքերը Դամասկոսի մերձակայքում մոտենում են ելուզակային կազմավորումների ամրակետին. Al Mayadeen
Սիրիական բանակի մարտիկները եւ աշխարհազորայինների ջոկատները փետրվարի 27-ին «Ջեբհաթ ան Նուսրա» խմբավորման ահաբեկիչներին դուրս են մղել Դամասկոսի մերձակա Հոշ Էդ Դավահիրի շրջանից։
Ինչպես հայտնել է Al Mayadeen հեռուստաաալիքը, իրականացված գործողության ընթացքում զորքերը հասել են Շեյֆունիյա բնակավայր՝ Դումա արբանյակ-քաղաքից 4 կմ հեռավորության վրա, որտեղ գտնվում է Արեւելյան Գութայում ելուզակային կազմավորումների գլխավոր ամրակետը:
Սիրիական ռազմաօդային ուժերը Խարաստայի մոտ (Դամասկոսից 8 կմ հեռավորության վրա) հարվածներ են հասցրել հակառակորդի պաշտպանական բնագծերին: Հեռուստաալիքի տեղեկատվությաեն համաձայն՝ այնտեղ կատաղի մարտեր են ընթանում Թել-Ֆիրզաթ ռազմավարական բարձունքների համար, որտեղից գնդակոծվում է Սիրիայի մայրաքաղաքը:
Փետրվարի 27-ին ելուզակային կազմավորումները վերստին խախտել են հրադադարի ռեժիմը եւ ականակոծել Զուվեյլայիշրջանը Դամասկոսի հին մասում: Ոստիկանական վարչության ներկայացուցչի տվյալներով՝ զոհվել է մեկ սիրիացի, եւս հինգը վերքեր են ստացել, հաղորդել է ՏԱՍՍ-ը:
