«Սահմանադրության ընդունման ականները դեռ շատ են պայթելու». Քաղտեխնոլոգ
«Ես երբեք 100 տոկոսով համոզված չեմ եղել, որ սահմանադրական փոփոխություններն արվել են միայն կոնկրետ մարդու համար. կարծում եմ՝ դա տարբերակներից մեկն էր միայն»,- այսօր հրավիրված քննարկման ժամանակ նման տեսակետ հայտնեց քաղտեխնոլոգ Վիգեն Հակոբյանը:
Ըստ քաղտեխնոլոգի՝ Սահմանադրության ընդունման ականները դեռ շատ են պայթելու. «Անհասկանալի շատ բաներ կան: Կարծում եմ՝ սա էքպերիմենտալ Սահմանադրություն է: Դեռևս չենք կարող հաշվարկել՝ որտեղ ինչ է լինելու, մենք հիմա նոր սկսում ենք ինչ-որ բաներ հասկանալ, ինչ-որ բան տեսնել, որ իրար համաչափ չեն: Ինձ մոտ տպավորություն է, որ այս բոլոր օրենքները եղել են երկու տարբերակով, մեկը՝ կոնկրետ մեկ մարդու համար, մյուսը՝ իքս մարդու համար: Այն, ինչ հիմա տեսնում ենք, Անվտանգության խորհրդի կառուցվածքի մասին օրենքը, կառավարության մասին օրենքը, բերում է այն եզրակացության, որ ամեն ինչ կենտրոնացվում է այսօրվա նախագահի շուրջ, որպեսզի վարչապետ լինելու ժամանակ նա ունենա սուպերվարչապետական լիազորություններ»:
Մանրամասները՝ 168.am-ի տեսանյութում:
