ԱՄՆ-ում հայտարարել են տարվա լավագույն ավտոմոբիլները
Դեթրոյթի Հյուսիսամերիկյան միջազգային սալոնում հայտարարել են տարվա լավագույն ավտոմոբիլները: «Տարվա քրոսովեր» կատեգորիայում հաղթանակը շնորհել են Volvo XC60-ին: Բացի այդ մոդելից, այս կատեգորիայում նաեւ մրցում էին Alfa Romeo Stelvio-ն եւ Honda Odyssey-ը:
Մարդատար ավտոմոբիլների թվում ավտոփորձագետներն անցյալ տարի լավագույնն են ճանաչել Honda Accord-ը, որն առաջ է անցել Toyota Camry-ից եւ Kia Stinger-ից:
«Տարվա արտաճանապարհային ավտոմոբիլ» կատեգորիայում հաղթանակը շնորհել են Lincoln Navigator-ին: Յուրաքանչյուր կատեգորիայում տարվա լավագույն ավտոմոբիլ ընտրելիս ավտոփորձագետները հաշվի են առել այնպիսի չափանիշներ, ինչպիսիք են ավտոմոբիլի դիզայնը, անվտանգությունը, կառավարելիությունը եւ մի քանի այլ չափանիշներ:
