iPhone X-ն սկսել է ցավ պատճառել տերերին
iPhone X-ի տերերը գանգատվում են, որ իրենց մազերն, ինչպես նաեւ մորուքներն ու բեղերը մնում են սմարթֆոնի դիսփլեյի եւ կորպուսի արանքում:
Այս մասին գրել է Phonearena հրատարակությունը։ Առկա խնդրի մասին նշում են Reddit-ի եւ Apple-ի ֆորումի օգտատերերը: Նրանց խոսքով՝ մազերը սաստիկ ցավով պոկվում են, երբ իրենք սմարթֆոնը հեռացնում են ականջից: Ինչպես նշել է Phonearena-ն, միակ լուծումը, որ գտել են գաջեթի տերերը, պատյան գնելն է: Հոբելյանական iPhone X-ը վաճառքի է հանվել 2017 թվականի նոյեմբերին:
Տերերը բազմիցս գանգատվել են սմարթֆոնի թերություններից: Այսպես, ի հայտ են եկել դիսփլեյի մի քանի խնդիրներ (այրում, տարօրինակ կանաչ շերտեր), բարձրախոսի թերություններ եւ Face ID-ի անկանոն աշխատանք:
