Որ մակնիշի մեքենաներն են ամենից շատ գրավադրում հայերը
Ո՞ր մակնիշի մեքենաներն են ամենից շատ գրավադրում ՀՀ քաղաքացիները՝ վարկ վերցնելու համար։ Կարծում ենք՝ յուրաքանչյուր ընթերցող այս հարցի պատասխանը փորձում է գուշակել՝ մտովի գնահատելով, թե ամենատարածված մակնիշները Հայաստանում որոնք ենք։
Նման վիճակագրություն բանկերը և վարկային կազմակերպությունները չեն հրապարակում, սակայն ՄՈԳՈվարկային կազմակերպությանը մեզ տրամադրել է այդ տվյալները՝ իրենց վարկային պորտֆելի հիման վրա։ Նշենք, որ ՄՈԳՈ-ն տրամադրում է միայն ավտոմեքենաների հետ կապված վարկեր (վարկեր՝ ավտոմեքենա ձեռք բերելու համար, և ավտոմեքենայի գրավով վարկեր)։
Ճիշտ է, սա չի արտացոլում ամբողջ երկրի պատկերը, սակայն կարծում ենք՝ հարաբերակցությունները դժվար թե շատ տարբերվեն։
Եվ այսպես, ինչպես տեսնում եք Հայաստանում ամենագրավադրվող մակնիշը Mercedes Benz-ն է. Մոգոյի տրամադրած վարկերի (խոսքը ոչ թե վարկերի ծավալի, այլ քանակի մասին է) 24,1%-ը այս մակնիշ մեքենաների գրավով են։
Երկրորդ տեղում Opel-ն է՝ գրավադրված մեքենաների քանակի 15,8%-ը։ Եռյակը եզրափակում է Nissan-ը՝ 12%։
Այս երեք մակնիշներին բաժին է ընկնում գրավադրված մեքենաների կեսից ավելին։
Շատ են գրավադրում նաև BMW, Volkswagen, VAZ, Toyota և Mitsubishi մակնիշները։
Ընդհանուր առմամբ, ՄՈԳՈ-ի «գրավային ավտոպարկում» այս պահին հաշվառված են 4 տասնյակ մակնիշներ՝ ամենատարբեր երկրների արտադրության։ Գերթանկարժեք մակնիշներ (օրինակ՝ Maserati կամ Lamborghini) դեռ չկան, բայց ներկայացուցչական դասի այլ մեքենաների պակաս չկա։
