Տորթ ձնեմարդ

Բաղադրիչներ

1. Ձու – 3 հատ
2. Կարագ – 150 գ
3. Շաքարավազ – 1 բաժակ
4. Ալյուր – 3 բաժակ
5. Սոդա – 1/2 թ/գ
6. Վանիլին – 8 գ
7. Աղ – 1 պտղունց
8. Կոկոսի քերուկ – 2 տուփ

Կրեմի համար

1. Թթվասեր – 500 գ
2. Շաքարավազ – 1 բաժակ

Զարդարել ձնեմարդը մարմելադով և սառնաշաքարով:

Պատրաստման եղանակը

1. Հարել ձուն շաքարավազի հետ՝ մինչև լավ փրփրելը: Կարագը հալեցնել, սառեցնել, ավելացնել ձվերին, խառնել: Ավելացնել վանիլին, սոդա, աղ և ալյուր: Խմոր հունցել:
2. Խմորը լցնել նախապատրաստած կաղապարի մեջ և թխել 180 աստիճան տաքացրած ջեռոցում 30-40 րոպե: Սառեցնել և կտրատել 4×4 սմ կտորների:
3. Կրեմը պատրաստելու համար թթվասերը հարել շաքարավազի հետ: Կրեմը պետք է քաղցր ստացվի: Եթե թթվասերը շատ թթու է, պետք է շաքարավազ ավելացնել:
4. Տորթի յուրաքանչյուր կտոր թաթախել կրեմի մեջ և շարել կաղապարի վրա՝ ձնեմարդու տեսքով: Ստացված ձնեմարդու վրա կոկոսի քերուկ շաղ տալ, ձևավորել մարմելադով և սառնաշաքարով:

Պատրաստեց Անի Գաբուզյանը