Google-ի սեփականատեր Alphabet հոլդինգի ղեկավար Էրիկ Շմիդտը պաշտոնաթող է եղել
Alphabet հոլդինգի տնօրենների խորհրդի նախագահ Էրիկ Շմիդտը, հոլդինգ, որին պատկանում է Google Inc. ընկերությունը, դեկտեմբերի 22-ին հայտարարել է իր պաշտոնաթողության մասին։
«Տասը տարի ընկերության գլխավոր տնօրենի եւ յոթ տարի տնօրենների խորհրդի ղեկավարի պաշտոնում աշխատելուց հետո ես սպասում եմ այն պահին, երբ կկարողանամ ինձ լիովին նվիրել գիտությանը, տեխնոլոգիաներին եւ բարեգործությանը:
Անհամբերությամբ եմ սպասում Լարի Փեյջի եւ Սերգեյ Բրինի հետ մեր ապագայի համար համատեղ աշխատանքին Alphabet-ում»,- գրել է Շմիդտն իր թվիթերում: Տնօրենների խորհրդի ղեկավարի պաշտոնից հեռանալուց հետո Շմիդտն Alphabet-ում աշխատանքը կշարունակի որպես տեխնիկական հարցերի խորհրդական, հաղորդել է «Ինտերֆաքս»-ը:
