Կարեն Կարապետյանը հանձնարարեց սեղմ ժամկետներում ավարտել Մեղրի ԱՏԳ ձևավորման երկրորդ փուլը
«Մեղրի ազատ տնտեսական գոտու ձևավորման աշխատանքների առաջին փուլն ավարտվեց դեկտեմբերի 15-ին և տրվեց ԱՏԳ գործունեության մեկնարկը»,- այսօր կառավարության նիստում հայտարարեց վարչապետ Կարեն Կարապետյանը` նշելով, որ պետք է աշխատանքներ ձեռնարկել երկրորդ փուլը սեղմ ժամկետներում ավարտելու վերաբերյալ:
Հաշվի առնելով վերոգրյալը` վարչապետը հանձնարարեց տարածքային կառավարման և զարգացման, էներգետիկ ենթակառուցվածքների և բնական պաշարների նախարարներին, ՊԵԿ, անշարժ գույքի կադաստրի և ջրպետկոմի նախագահներին երկամսյա ժամկետում տնտեսական զարգացման և ներդրումների նախարարի հետ միջոցներ ձեռնարկել Մեղրու ԱՏԳ համար անհրաժեշտ ենթակառուցվածների տեխնիկական ապահովման ուղղությամբ:
Կ.Կարապետյանը նաև արտաքին գործերի և տնտեսական զարգացման ու ներդրումների նախարարներին հանձնարարեց շարունակել աշխատանքները ՀՀ դիվանագիտական ներկայացուցիչների միջոցով Մեղրու ԱՏԳ առավելությունների մասին հնարավորինս լայն իրազեկում ապահովելու նպատակով:
Տնտեսական զարգացման և ներդրումների նախարարը, ըստ վարչապետի, պետք է աշխատանքների ընթացքի վերաբերյալ պարբերաբար զեկուցել կառավարությանը:
