«Աշխարհում չի եղել Ռոնալդուի նման հարձակվող». Ռամոս
Մադրիդի «Ռեալի» պաշտպան Սերխիո Ռամոսը խոսել է իր թիմակից Կրիշտիանու Ռոնալդուի կարևորության մասին:
«Աշխարհում չի եղել նման հարձակվող, ինչպիսին մեր յոթ համարն է: Նա արդեն լեգենդ է: Համոզված եմ, որ նրան կհիշեն որպես ֆուտբոլի պատմության լավագույն ֆուտբոլիստներից մեկը: Կրիշտիանուն թիմի հիմնական ֆուտբոլիստներից մեկն է, և նրան հարգում են մեր թիմի բոլոր ֆուտբոլիստները:
Բենզեմա՞ն: Քարիմը լավ հարձակվող է, տաղանդ: Նա կարողանում է և՛ գոլ խփել, և՛ գոլային փոխանցումներ անել:
Եթե խոսենք Զիդանի մասին, ապա պետք է նշեմ, որ նա լավագույնն է: Դրանում չկա ոչ մի կասկած: Նա ապացուցել է իր մակարդակը, և մենք շատ ուրախ ենք, որ նրա նման մարզիչ ունենք: Միշտ չէ, որ լեգենդար ֆուտբոլիստը դառնում է լավ մարզիչ, բայց նա բացառություն է»,- նշել է Ռամոսը:
Սիրարփի Աղաբաբյան
