Բելգիայում տարեվերջին կփակվի հեռագրությունը
171 տարի առաջ այն հեռագրագծով, որը միացնում է Բրյուսելը եւ Անտվերպենը, ուղարկվել է առաջին էլեկտրոնային ուղերձը: Դեկտեմբերի 29-ին այստեղ կուղարկվի վերջին հեռագիրը, տեղեկացնում է BBC-ին:
«Ինստագրամի» եւ «Սնեփչաթի» դարաշրջանում կարող է տարօրինակ թվալ, որ Բելգիայում մինչ օրս օգտագործվում է XIX դարի այդ տեխնոլոգիան: Մեծ Բրիտանիայում, որտեղ 1830-ական թվականներին արվել է հեռագրի գյուտը, դրանից հրաժարվել են տակավին 1982 թվականին:
ԱՄՆ-ը Բրիտանիայի օրինակին է հետեւել զգալիորեն ավելի ուշ՝ հեռագրային հաղորդագրությունը դադարեցնելով 2006 թվականին: Եվ նույնիսկ Հնդկաստանը, լինելով աշխարհում հեռագրության խոշորագույն օգտատերը, դրանից հրաժարվել է 2013 թվականին:
