Էդգարը կարևոր միավորներ վաստակեց Պորտուգալիայի մրցաշարում. Արմեն Գյոզալյան
Հեծանվորդ Էդգար Ստեփանյանի անձնական մարզիչ Արմեն Գյոզալյանի կարծիքով հայ մարզիկի արծաթե մեդալը շատ կարևոր միավորներ տվեց հեծանվորդին:
«Այս մրցաշարն առաջին կարգի մրցաշար էր: Եվրոպայի առաջնությունում ևս այսքան բարձր միավոր են խաղարկվում: Պորտուգալիայի այս մրցաշարին մասնակցում են աշխարհի առաջնության առաջին 24 տեղերի համար պայքարող մարզիկները: Էդգարը կարևոր միավորներ վաստակեց Պորտուգալիայի մրցաշարում»,-«Արմենպրես»-ի հետ զրույցում ասաց Գյոզալյանը:
Վերջինս փաստեց, որ Էդգարը կմասնակցի նաև մեծահասակների սկրեչ ձևին` փորձելով ավելացնել վարկանիշային միավորները:
Հեծանվասպորտի Հայաստանի հավաքականի անդամ Էդգար Ստեփանյանը դարձել է միջազգային մրցաշարի արծաթե մեդալակիր: Պորտուգալիայում կայացած «Trofeu Internacional de Anadia» մրցաշարում Ստեփանյանը սկրեչ ձևի մինչև 23 տարեկանների 60 շրջան պայքարում դարձել է արծաթե մեդալակիր:
