Ինչպե՞ս խուսափել սալմոնելոզով վարակվելուց
Հիվանդությունների վերահսկման և կանխարգելման ազգային կենտրոնը ներկայացրել է խորհուրդներ՝ սալմոնելոզով վարակվելուց խուսափելու համար։
• Օգտագործե՛ք միայն համապատասխան ստուգումներ անցած գործարանային փաթեթավորված մթերք (միս, կաթնամթերք, ձու)
• Թարմ միրգը և բանջարեղենը պարտադիր լվացե՛ք առատ և հոսող ջրով
• Սառնարանում հում սննդամթերքը առանձնացրե՛ք եփածից
• Խմե՛ք միայն մաքուր և ախտահանված ջուր (կասկածի դեպքում օգտագործեք եռացնելուց հետո)
• Մի՛ լողացեք կասկածելի ջրամբարներում,
• Մշտապես լվացե՛ք ձեռքերը հատկապես ուտելուց առաջ, սանհանգույցից, ինչպես նաև հասարակական տրանսպորտից օգտվելուց հետո
• Եթե այնուամենայնիվ վարակվել եք և կան հիվանդության ախտանշաններ, ապա մի զբաղվեք ինքնաբուժմամբ, անտեղի մի օգտագործեք հակաբիոտիկներ, որոնք կարող են հանգեցնել ինչպես հիվանդության քրոնիկական այնպես էլ դեղակայուն ձևերի զարգացման։
