Տասնյակ պաղեստինցիներ են տուժել Իսրայելի անվտանգության ծառայությունների հետ բախումների ընթացքում
Հորդանան գետի Արեւմտյան ափին եւ Արեւելյան Երուսաղեմում Իսրայելի անվտանգության ծառայությունների աշխատակիցների հետ բախումների ընթացքում տուժել են 23 պաղեստինցիներ: Այդ մասին հայտնել է Haaretz թերթը՝ հղում անելով պաղեստինյան իշխանություններին:
Հրատարակության տվյալներով՝ պաղեստինցիներից մեկն օրհասական վիճակում է այն բանից հետո, երբ նա հարձակվել է սահմանապահ ծառայության աշխատակցի վրա: Սահմանապահը թեթեւ վերքեր է ստացել: «Ալ Աքսա» մզկիթի շրջանում դեկտեմբերի 15-ին հավաքվել էին պաղեստինցիներ, որոնք բողոքում էին Երուսաղեմն Իսրայելի մայրաքաղաք ճանաչելու ԱՄՆ-ի նախագահ Դոնալդ Թրամփի որշման դեմ, հաղորդել է «Ինտերֆաքս»-ը:
