Առաջին հանրային կինոթատրոնները Սաուդյան Արաբիայում կբացվեն 2018 թվականին. Reuters
Առաջին հանրային կինոթատրոնները Սաուդյան Արաբիայում կսկսեն աշխատել հաջորդ տարվա սկզբին: Այդ մասին, ինչպես հայտնել է Reuters գործակալությունը, դեկտեմբերի 11-ին հայտարարել է թագավորության մշակույթի եւ տեղեկատվության նախարար Ավադ Սալեհ ալ Ավադը։
«Մենք ակնկալում ենք, որ առաջին կինոթատրոնները կբացվեն 2018 թվականի մարտին»,-ասել է նա:
Ավադ Սալեհ ալ Ավադը նաեւ նշել է, որ կինոթատրոններին թույլատրագրեր հանձնելու գործընթացն արդեն սկսվել է:
Ֆիլմերի հրապարակային ցուցադրությունը Սաուդյան Արաբիայում արգելված էր 1980-ական թվականներին: Սաուդցի կրոնական գործիչները հանրային հավաքները եւ ժամանցային միջոցառումները համարում են «անառակության բույն» եւ երիտասարդությանը կոչ են անում հրաժարվել այնտեղ այցելելուց: Նաեւ նրանք արգելում են սոցիալական ցանցերից օգտվելը, հաղորդել է ՏԱՍՍ-ը:
