«Եթե Դուք ուզում եք հարց տալ՝ «Առինջ մոլի» հետ կապված, ապա մի քիչ այլ կերպ ձևակերպեք». Կարեն Կարապետյան
Այսօր Ազգային ժողովում կառավարության հետ հարցուպատասխանի ժամանակ «Ծառուկյան» խմբակցության պատգամավոր Գևորգ Պետրոսյանը վարչապետից հետաքրքրվեց, թե ինչպե՞ս է նա վերաբերվում վերջին շրջանում մամուլը ողողած ՊԵԿ-ի առանձին ներկայացուցիչների վայրագություններին:
«Եթե կա նման դեպք, պետք է հետաքննվի: Եթե Դուք ուզում եք հարց տալ «Առինջ մոլի» հետ կապված, ապա մի քիչ այլ կերպ ձևակերպեք, որ ես էլ կարողանամ պատասխանել»,- ի պատասխան՝ ասաց Կ. Կարապետյանը:
Գ. Պետրոսյանը նկատեց, որ ինքը կոնկրետ հարց է տվել վերջին շրջանում մամուլը ողողած դեպքերի մասին, իսկ վրաերթը տեղի է ունեցել հենց «Առինջ մոլում»:
Վարչապետն ասաց, որ համապատասխան մարմինները դրանով զբաղվում են:
