«Մի 30 տարեկան կին եկավ, ասաց՝ «գիտե՞ս, եկել եմ՝ էրեխուս թաղես, սառավ-մահացավ»». Վարդան Ղուկասյան
Այսօր Ազգային ժողովում կառավարության հետ հարցուպատասխանի ժամանակ «Ծառուկյան» խմբակցության պատգամավոր Վարդան Ղուկասյանը կրկին խոսեց Գյումրիում առկա խնդիրների մասին՝ նկատելով, որ քաղաքային բյուջեն շատ քիչ է այդ խնդիրները լուծելու համար:
Նրա խոսքով՝ նախկին տարիներին դոմիկներում ապրող ընտանիքներին տրվում էր վառելիքի գումար. «Այսօր քաղաքում 3000 տնակներ կան, այնտեղ ապրող մարդիկ հիվանդություններ են ձեռք բերել: 1999 թվականին, երբ քաղաքապետ էի, մի 30 տարեկան կին եկավ, ասաց՝ «գիտե՞ս՝ եկել եմ՝ էրեխուս թաղես, սառավ-մահացավ»: Այսպիսի վիճակ է»:
Ի պատասխան՝ ՀՀ տարածքային կառավարման նախարար Դավիթ Լոքյանն ասաց, որ պետք է այնպես անել, որ քաղաքն ինքը կարողանա իր եկամուտները շատացնել. «Եկեք այլ ճանապարհներ գտնենք՝ Գյումրիում այդ խնդիրները լուծելու»:
