«Եթե սենց շարունակվի՝ մսի գինը կդառնա Եվրոպայի գներին համարժեք». Միքայել Մելքումյան
«Ինձ մտահոգում է մսի գնի կտրուկ թանկացումը»,- այսօր Ազգային ժողովում հայտարարեց «Ծառուկյան» դաշինքի պատգամավոր Միքայել Մելքումյանը:
Նրա խոսքով՝ 65 խոշոր եղջերավոր անասուններ կան. «Ինչքան գիտեմ՝ 40 հազարը մորթի են ենթարկվել: Դա նշանակում է՝ արտահանումը մեծանում է: Մի կողմից՝ արտահանումը մեծանում է, մյուս կողմից՝ կարող է դա բերել մսի գնի և կաթի գնի թանկացման: Կարողանո՞ւմ ենք այնպիսի զսպիչներ դնել այդ շղթան կարգավորելու համար: Եթե սենց շարունակվի՝ մսի գինը կդառնա Եվրոպայի գներին համարժեք՝ այն դեպքում, երբ աշխատավարձերը համարժեք չեն»:
