Կարեն Միրզոյանի չվերանշանակվելը զարմանքի տեղիք է տվել. նա նոր պաշտոն կստանա՞. «Ժողովուրդ»

Կարեն Միրզոյանի չվերանշանակվելը զարմանքի տեղիք է տվել. նա նոր պաշտոն կստանա՞. «Ժողովուրդ»

«Ժողովուրդ» օրաթերթը գրում է. «Երեկ ձեւավորվել է Արցախի նոր կառավարության կազմը: Ինչպես հայտնի է՝ արդեն նոր Սահմանադրությամբ կառավարության ղեկավարը լինելու է ոչ թե վարչապետը, այլ պետական նախարարը: Այդ պաշտոնում նշանակվել է արդեն նախկին վարչապետ Արայիկ Հարությունյանը: Թերեւս շատերին զարմացրել է Կարեն Միրզոյանի չվերանշանակվելը:

Նրա փոխարեն արտաքին գործերի նախարար է նշանակվել նախկին նախարար Մասիս Մայիլյանը, ով նախկինում զբաղեցնում էր փոխնախարարի պաշտոնը: 2016 թվականից Մայիլյանը զբաղեցնում էր հատուկ հանձնարարություններով դեսպանի պաշտոնը: Կարեն Միրզոյանն արտաքին գործերի նախարարի պաշտոնը զբաղեցնում էր 2012 թվականից, եւ «Ժողովուրդ» օրաթերթի տեղեկություններով՝ շատերի համար իսկապես անակնկալ էր այդ պաշտոնում նրա չվերանշանակվելու հանգամանքը: Առավել եւս անակնկալ է եղել այդ պաշտոնում Մասիս Մայիլյանի նշանակումը:

Սակայն թերթի տեղեկություններով՝ Կարեն Միրզոյանի աշխատանքից Արցախի ղեկավարությունն այս ընթացքում գոհ է եղել, եւ հենց դրանով է պայմանավորված, որ նա առաջիկայում ամենայն հավանականությամբ նոր պաշտոն կստանա»:

Ամբողջությամբ կարող եք կարդալ «Ժողովուրդ» թերթի այսօրվա համարում:

Գովազդ
Լրահոս
Ամենաընթերցված
ՕրվաՇաբաթվաԱմսվա
2017-11-28
Ի՞նչ կտա Հայաստանի սովորական քաղաքացիներին ՀՀ-ԵՄ համաձայնագիրը
Հայաստանում Եվրոպական միության պատվիրակության ղեկավար, Արտակարգ և լիազոր դեսպան Պյոտր Սվիտալսկին երեկ լրագրողների հետ հանդիպման ընթացքում խոսեց Հայաստան-Եվրոպական միություն նոր համաձայնագրի մասին։