«Դուք տեսե՞լ եք այդ դահլիճը, դա մի տարվա մեջ վերանորոգվող դահլի՞ճ է». Հրաչյա Ռոստոմյանը հունից դուրս եկավ
Հունահռոմեական ըմբշամարտի աշխարհի եռակի չեմպիոն Արթուր Ալեքսանյանի սպորտդպրոցի վերանորոգման հարցն այսօր հունից հանեց սպորտի և երիտասարդության հարցերի նախարար Հրաչյա Ռոստոմյանին։
«Այդ նույն հարցը երևի 7-րդ անգամ եք տալիս։ Ամեն ինչ իր հունով գնում է,- կառավարության նիստից հետո լրագրողներին հայտարարեց Ռոստոմյանը, ապա ինքը հարցադրում արեց,- Դուք տեսե՞լ եք այդ դահլիճը, դա մի տարվա մեջ վերանորոգվող դահլի՞ճ է»։
Նախարարը հայտարարեց, թե այդ դահլիճը ենթակա չէ վերանորոգման, պետք է նորը կառուցվի։ Ըստ Ռոստոմյանի՝ դա արվելու է ՀԱՕԿ նախագահի կողմից։ Հարցը՝ թե ե՞րբ է արվելու, կրկին հունից հանեց նախարարին։
