Կարեն Ասլանյանը պարտվեց բրոնզի մեդալի համար պայքարում
Փարիզում ընթացքող ըմբշամարտի աշխարհի առաջնությունում հունահռոմեական 66 կգ քաշային կարգում Կարեն Ասլանյանը բրոնզե մեդալի համար պայքարում 1:2 հաշվով պարտվեց ռուսաստանցի Արտյոմ Սուրկովին:
Ասլանյանը պայքարը սկսել էր 1/16 եզրափակչից, որտեղ առավելության էր հասել եգիպտացի Աբուհալիմա Էլսաիդ Աբուհալիմայի նկատմամբ: 1/8 եզրափակչում հայ ըմբիշը հաղթել էր հունգարացի Մատե Կրաժնային, քառորդ եզրափակչում պարտվել կորեացի Հան Սու Ռյուին, հետո ստացել սփոփիչ գոտեմարտի հնարավորություն, որտեղ էլ հաղթել էր ադրբեջանցի Կամրան Մամադովին:
