Տերյան փողոցում գազի արտահոսքից բռնկված հրդեհի պատճառով այրվել է արագ սննդի կետի խոհանոցի գույքը
Օգոստոսի 19-ին, ժամը 15:34-ին ահազանգ է ստացվել, որ Երևան քաղաքի Տերյան 62 հասցեում գտնվող սրճարանի խոհանոցում տեղի է ունեցել 20 կգ գազի բալոնից արտահոսք՝ հրդեհի բռնկումով: Այս մասին տեղեկացնում է ՀՀ ԱԻՆ մամուլի ծառայությունը։
Դեպքի վայր է մեկնել երկու մարտական հաշվարկ:
Պարզվել է, որ հրդեհը բռնկվել է Տերյան 62 հասցեում գտնվող «Սալաթ Հաուս» արագ սննդի կետում: 20 կգ-նոց գազի բալոնից տեղի է ունեցել արտահոսք՝ հրդեհի բռնկումով:
Հրդեհը մեկուսացվել է ժամը 15:48-ին, մարվել՝ 16:08-ին:
Խոհանոցում այրվել են գազի բալոնից արտահոսած գազը և գույքը (15 քմ), նաև մեկ այլ բնակարանի գազի հաշվիչի տուփը՝ մասամբ:
