6 հրաշալի խորհուրդ՝ մենեջերների համար և ոչ միայն

Խորագիր:
6 հրաշալի խորհուրդ՝ մենեջերների համար և ոչ միայն

ԴԱՍ 1

Ամուսինը բաղնիք է մտնում կնոջ դուրս գալուց անմիջապես հետո։ Այդ պահին հնչում է դռան զանգը։ Կինը սրբիչը արագ գցում է վրան և բացում դուռը։ Շեմին կանգնած է հարևան Բոբը։

Կինը չի հասցնում մեկ բառ անգամ արտասանել, երբ Բոբը առաջարկում է. «Ես քեզ 800 դոլար կտամ, եթե սրբիչը հանես»։ Մեկ-երկու վայրկյան մտածելուց հետո կինը հանում է սրբիչն ու լրիվ մերկ կանգնում հարևանի դիմաց։ Բոբը նրան 800 դոլար է տալիս և հեռանում։ Կինը կրկին փաթաթվում է սրբիչով և ներս մտնում։

«Ո՞վ էր դռան զանգը տալիս»,- հարցնում է ամուսինը։ «Մեր հարևան Բոբն էր»,- պատասխանում է կինը։ «Նա ինձ 800 դոլար է պարտք, չտվե՞ց…»:

Բաժնետերերին միշտ տեղյակ պահեք փոխառությունների և պարտքերի մասինայլապես կարող եք հայտնվել տհաճ իրավիճակներում։

ԴԱՍ 2

Քահանան մեքենայով վանք վերադառնալիս ճանապարհին տեսնում է միանձնուհիներից մեկին և առաջարկում տանել։ Նստելով մեքենան՝ միանձնուհին ոտքը գցում է ոտքին, այնպես, որ ազդրը մերկանում է։

Քահանան հազիվ է խուսափում վթարից և դժվարությամբ ուշքի գալով՝ ձեռքն աննկատ դնում է միանձնուհու ոտքին։

«Տեր հայր, Դուք հիշո՞ւմ եք 122-րդ սաղմոսը»,- հարցնում է միանձնուհին։ Քահանան ետ է քաշում ձեռքը։ Սակայն կարճ ժամանակ անց նորից ձեռքը դնում է կնոջ ոտքին։ Միանձնուհին կրկնում է նույն հարցը՝ 122-րդ սաղմոսի մասին։ «Կներեք, քույր իմ, չդիմացա»,- ասում է քահանան և այլևս նման բան չի անում։

Երբ հասնում են վանք, միանձնուհին խորը հոգոց է հանում և դուրս գալիս մեքենայից։ Քահանան շտապում է իր խուցը և կարդում 122-րդ սաղմոսը։ Այնտեղ գրված էր. «Առաջ գնա և փնտրիր, վերևում դու կգտնես երջանկությունը»։

Եթե վատ եք տիրապետում գործին, ապա շատ հնարավորություններ ձեր կողքով կանցնեն։

ԴԱՍ 3

Ընկերության բաժնի պետերից մեկը, տնօրենի քարտուղարուհին և տնօրենը միասին գնում են ճաշելու և հին լամպ են գտնում։ Շփում են լամպը, դրա միջից դուրս է գալիս ջինը և ասում՝ ես կկատարեմ բոլորից ցանկությունները։

«Առաջինը ես, առաջինը ես,- ինքնամոռաց բղավում է քարտուղարուհին և շարունակում,- Ցանկանում եմ հիմա հայտնվել Բահամյան կղզիներում, նավի վրա և չմտածել ոչ մի բանի մասին»։ Ջինը կատարում է նրա ցանկությունը, աղջիկն անհետանում է։

«Հիմա իմ հերթն է»,- ասում է բաժնի պետը։ «Ուզում եմ հայտնվել Հավայան կղզիներում, ծովի ափին՝ իմ սիրելիի հետ։ Որ ինձ մերսում անեն, և վիսկին անպակաս լինի»։ Ջինը այս ցանկությունն էլ է կատարում և դիմում տնօրենին՝ հիմա հերթը քոնն է։

«Ես ցանկանում եմ, որ այդ երկուսը ճաշից հետո վերադառնան աշխատանքի»,- ասում է ընկերության տնօրենը։

Երբեք առաջ մի ընկեք. թույլ տվեք առաջինը արտահայտվել ձեր ղեկավարին։

ԴԱՍ 4

Արծիվը ծառին նստած հանգստանում էր։ Փոքրիկ նապաստակը, նրան տեսնելով, հարցնում է՝ իսկ կարելի՞ է Ձեզ պես նստել և ոչինչ չանել։ «Իհարկե, կարելի է, ինչո՞ւ ոչ»,- պատասխանում է արծիվը։

Նապաստակը նստում է ծառի տակ, աչքերը փակում, որպեսզի հանգստանա։ Սակայն հայտնվում է աղվեսն ու խժռում նրան։

Պարզապես նստելու և ոչինչ չանելու համար պետք է նստել շատ-շատ բարձր տեղում։

ԴԱՍ 5

Հնդկահավը ցլին ասում է՝ ես ցանկանում եմ մագլցել ծառը, սակայն ուժերս չեն հերիքում։ Ցուլը խորհուրդ է տալիս կտցել իր թրիքը։ «Դրա մեջ շատ օգտակար նյութեր կան»,- ասում է ցուլը։

Հնդկահավը կտցում է թրիքը և կարողանում հասնել ծառի ներքևի ճյուղին։ Հաջորդ օրն ավելի շատ թրիք է ուտում և ավելի վեր բարձրանում։ Իսկ երրորդ օրը կարողանում է հասնել ծառի կատարին և թառել այնտեղ։ Սակայն երկար չի կարողանում վայելել, քանի որ նրան նկատում է ֆերմերն ու հրացանով կրակում։

Կեղտոտ մանիպուլյացիաները կարող են օգնել վեր մագլցել, սակայն վերևում պահել չեն կարող։

ԴԱՍ 6

Փոքրիկ թռչնակը թռչում էր դեպի հարավ՝ ձմեռն անցկացնելու համար։ Այնքան ցուրտ էր, որ նա չդիմացավ և սառած ընկած մի մեծ դաշտի վրա։ Որոշ ժամանակ անց այդտեղով մի կով է անցնում և թրքում թռչնակի վրա։

Թռչնակը հանկարծ զգում է, որ թրիքի մեջ շատ տաք է։ Նա իրեն այնքան լավ է զգում, որ սկսում է ուրախությունից երգել։ Այդ պահին կողքով անցնող կատուն լսում է թռչնակի ձայնը, վրա ա հասնում, դուրս բերում թրիքի միջից և ուտում։

1. Ձեզ վրա ոչ ամեն կեղտ լցնողն է թշնամի։

2. Ձեզ կեղտից հանողը միշտ չէ, որ ձեր բարեկամն է։

3. Երբ ձեզ լավ եք զգում ,ավելի լավ է բերանը փակ պահել։

Փոխարժեք

USD
482.74
-0.81
GBP
649.33
+3.98
EUR
570.65
+2.43
RUB
8.24
+0.06

Ցուցանիշներ

  • Վարկերի միջին տոկոսադրույք0
  • Ավանդների միջին տոկոսադրույք0
  • Սպառողական գների ինդեքս0
  • Ոսկու գին0

ԱմենաընթերցվածՕրվաՇաբաթվաԱմսվա

ԱԺ ամենահարուստ պատգամավորները
  • 1
    Գագիկ Ծառուկյան
    $134.2 միլիոն
  • 2
    Սամվել Ալեքսանյան
    $36.4 միլիոն
  • 3
    Հակոբ Գ. Հակոբյան
    $8.5 միլիոն
  • 4
    Գրիգոր Մարգարյան
    $6.1 միլիոն
  • 5
    Վահան Կարապետյան
    $5.0 միլիոն
  • 6
    Արայիկ Գրիգորյան
    $4.7 միլիոն
  • 7
    Գուրգեն Արսենյան
    $3.6 միլիոն
Տեսնել բոլորը