Դիբալայի համար «Բարսելոնան» առաջարկում է նաև Ինիեստային

Նեյմարին կորցնելուց հետո կատալոնական «Բարսելոնան» ավելի մեծ ջանքերով է ցանկանում ձեռք բերել «Յուվենթուսի» հարձակվող Պաուլո Դիբալային:

Ըստ իսպանական մամուլի՝ կատալոնական ակումբն արդեն առաջարկով է դիմել թուրինյան ակումբի ղեկավարությանը: Կատալոնացիները Դիբալայի համար առաջարկել են 120 մլն եվրո: Սակայն կա ևս մեկ տարբերակ: Ըստ այդ տարբերակի՝ կատալոնացիները կվճարեն 90 մլն եվրո և թուրինցիներին կտան նաև Ինիեստային:

Թուրինյան ակումբը, սակայն, դեմ է նաև այս երկրորդ տարբերակին:

Աղբյուրը նշում է նաև, որ Դիբալային գնել է ցանկանում կատալոնական ակումբի առաջատար Լիոնել Մեսսին:

Սիրարփի Աղաբաբյան