Իրանում ընթանում է Հասան Ռոուհանիի երդմնակալությունը. Ներկա է նաև Սերժ Սարգսյանը
Իրանի խորհրդարանում սկսվել է երկրի վերընտրված նախագահ Հասան Ռոուհանիի երդմնակալության արարողությունը: Ինչպես հաղորդում է Irna գործակալությունը, Թեհրան է ժամանել և արարողությանը ներկա է նաև Հայաստանի Հանրապետության Նախագահ Սերժ Սարգսյանը:
Արարաղությանն ընդհանուր առմամբ ներկա է արտերկրի 100 պատվիրակություն, այդ թվում՝ են 8 երկրների նախագահներ, խորհրդարանների 19 խոսնակներ, 9 փոխնախագահներ և վարչապետներ, խորհրդարանների 7 փոխնախագահներ, 11 արտգործնախարարներ և այլն:
Ընթացիկ տարվա մայիսի 19-ին Իրանում տեղի ունեցած 12-րդ նախագահական ընտրություններին Հասան Ռոուհանին վերընտրվել է երկրորդ անգամ՝ ձայների 57 տոկոսով:
