Բաթումում առաջին անգամ տեղի է ունեցել հայկական տոլմայի մրցույթ-փառատոն
Սեւծովյան Բաթում քաղաքում առաջին անգամ տեղի է ունեցել հայկական տոլմայի մրցույթ-փառատոն: «Sputnik Գրուզիա»-ի տեսանյութում ներկայացված է, թե ինչպես է ամառային առողջարանային սեզոնի եռուն շրջանում անցել այդ միջոցառումը։
Բաթումում ապրող տասնյակ տնային տնտեսուհիներ իրենց պատրաստած տոլման ներկայացրել են մրցույթ-փառատոնում, որը կազմակերպվել Է Սուրբ Փրկիչ հայկական եկեղեցու տարածքում:
Ընդամենը մրցույթում ներկայացվել է ավելի քան 30 տարբեր տեսակի տոլմաներ: Մրցույթ-փառատոնի հաղթողները պարգեւատրվել են պատվոգրերով եւ արժեքավոր մրցանակներով: Տոնին այցելել են հարյուրավոր հյուրեր, այդ թվում՝ սեւծովյան քաղաքում հանգստացող զբոսաշրջիկներ:
