Պետական ծառայող ամուսինը ծեծել է հղի կնոջը
Նախօրեին արտառոց դեպք է տեղի ունեցել Երեւանում. Մոր և մանկան առողջության պահպանման գիտահետազոտական կենտրոն է տեղափոխվել հղի կին՝ «12 շաբաթական հղիություն, վիժման սպառնալիք» ախտորոշմամբ։ Նախնական տվյալներով՝ հղի կինը բռնության է ենթարկվել ամուսնու կողմից։
«Փաստինֆո»-ի տեղեկություններով՝ ամուսինները պետական համակարգի աշխատակիցներ են։ Ընտանեկան հարցերի շուրջ տանը վիճաբանել են, որի ժամանակ էլ ամուսինը ծեծե է հղի կնոջը:
Դեպքի մասին իրավապահներին հայտնի է դարձել բժշկական կենտրոնից, իսկ կինը հրաժարվել է հաղորդում ներկայացնել։
