Բրազիլիայի խորհրդարանի ստորին պալատը քվեարկել է Տեմերին մեղադրանքներ առաջադրելու դեմ
Բրազիլիայի խորհրդարանի ստորին պալատն օգոստոսի 2-ին դեմ է արտահայտվել երկրի նախագահ Միշել Տեմերին կոռուպցիայի մեղադրանքներ առաջադրելուն: Նիստում, որն ուղիղ եթերով հեռարձակում է Globo հեռուստաալիքը, նախաձեռնության դեմ արդեն քվեարկել է 159 պատգամավոր, մեկը ձեռնպահ է մնացել, եւս 12-ը բացակայել են։
Դատական քննության շարունակման համար նախաձեռնությանը պետք է հավանություն տային օրենսդիր մարմնի ստորին պալատի անդամների առնվազն երկու երրորդը, այսինքն՝ 513 պատգամավորներից 342-ը: Ստորին պալատի որոշումը նշանակում է, որ պետության ղեկավարի դեմ քրեական դատավարությունը կդադարեցվի մինչեւ նրա մանդատի ավարտը՝ 2018 թվականի վերջը:
Բրազիլիայի կառավարությունը չի հրաժարվի բարեփոխումների ներկայիս ուղեգծից եւ երկրի վերափոխման ուղղությամբ կաշխատի ընդհուպ մինչեւ 2018 թվականի վերջը, հայտարարել է Տեմերը, հաղորդելէ ՏԱՍՍ-ը:
