«Հայտնի է՝ ով է բոլորից բարձր բղավում՝ «բռնի՛ր գողին»». Շավարշ Քոչարյան
«Մի պետության հետ գործ ունենք, որ ընդամենը մի բան կարող ենք նշել՝ հայտնի է՝ ով է բոլորից բարձր բղավում՝ «բռնի՛ր գողին»: Հենց գողը: Եվ միայն գողին է ձեռնտու, որպեսզի որևէ հետաքննություն չլինի»,- այսօր կառավարության նիստից հետո լրագրողների հետ զրույցում հայտարարեց ՀՀ արտաքին գործերի փոխնախարար Շավարշ Քոչարյանը՝ մեկնաբանելով հայ-ադրբեջանական շփման գծում հետաքննության մեխանիզմների ներդրումից Ադրբեջանի հրաժարվելու փաստը։
Ըստ նրա՝ Պաշտպանության նախարարությունն արձագանքել է ադրբեջանական կողմի՝ հրադադարը խախտելու հայտարարություններին, և նշել, որ դրանց համար որևէ հիմք չկա:
Հայաստանի և Ադրբեջանի նախագահների հանդիպման վերաբերյալ Շ. Քոչարյանը նշեց, որ այդ մասին վերջնական որոշում դեռևս չկա: «Արտգործնախարարներն աշխատում են այդ առաջարկի ուղղությամբ, վերջնական որոշում դեռևս չկա»։
Մանրամասները՝ տեսանյութում
