Դիլիջանի ոլորաններում ավտոմեքենան դուրս է եկել ճանապարհի երթևեկելի հատվածից և սահել ձորը
Հուլիսի 25-ին, ժամը 17:36-ին տեղեկություն է ստացվել, որ Դիլիջանի ոլորաններում «Ford Tranzit» մակնիշի ավտոմեքենան դուրս է եկել ճանապարհի երթևեկելի հատվածից և սահել ձորը. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Մ-4 ավտոճանապարհի Դիլիջան-Երևան հատվածի 13-րդ կմ-ին «Ford Tranzit» մակնիշի 440 AF 61 պետհամարանիշով ավտոմեքենան (վարորդ՝ 1956 թ. ծնված Կ. Ա.) դուրս է եկել ճանապարհի երթևեկելի հատվածից և մոտ 600 մ սահել ձորը:
Փրկարարները Կ. Ա.-ին դուրս են բերել ձորից և մոտեցրել շտապօգնության ավտոմեքենային: Տուժածը հոսպիտալացվել է Դիլիջան քաղաքի ԲԿ, որտեղ ստանալով առաջին բուժօգնություն՝ դուրս է գրվել:
Փրկարարները հոսանքազրկել են ավտոմեքենան:
