Առաջին ալիքը կցուցադրի «Ալաշկերտ» – ԲԱՏԷ հանդիպումը
«Ալաշկերտի» և Հայաստանի Հանրային հեռուստաընկերության ղեկավարությունը պայմանավորվածություն են ձեռք բերել, համաձայն որի Չեմպիոնների լիգայի որակավորման երկրորդ փուլի պատասխան հանդիպումն «Ալաշկերտի» և Բելառուսի չեմպիոն ԲԱՏԷ-ի միջև կցուցադրվի Առաջին ալիքի ուղիղ եթերում:
Թիմերի մեջ կայացած առաջին խաղում հայկական թիմը լավ արդյունք էր գրանցել՝ ավարտելով հանդիպումը 1:1 հաշվով: Ֆավորիտ ԲԱՏԷ-ի հետ խաղում երևանյան ակումբը ցուցադրեց միջին ֆուտբոլ, բայց երկրորդ խաղակեսում կարողացավ ապահովել հարմար հաշիվ պատասխան խաղից առաջ:
«Ալաշկերտի» պաշտոնական կայքը կոչ է անում երկրպագուներին աջակցել Հայաստանի չեմպիոնին կարևորագույն խաղում` պատմական հաջողություն կերտելու ճանապարհին:
Հիշեցնենք, որ «Ալաշկերտ» – ԲԱՏԷ խաղը կկայանա հուլիսի 18-ին Երևանի «Հանրապետական» մարզադաշտում և կմեկնարկի 20:00-ին:
Սիրարփի Աղաբաբյան
