Սթիվեն Ջերարդը որպես մարզիչ տարավ իր առաջին հաղթանակը
«Լիվերպուլի» լեգենդար ավագ Սթիվեն Ջերարդը հաջող սկսեց իր մարզչական կարիերան:
Այս տարվա ապրիլին հայտնի դարձավ, որ նոր մրցաշրջանում Սթիվեն Ջերարդը կզբաղեցնի «Լիվերպուլի» U-18 թիմի գլխավոր մարզչի պաշտոնը:
Նախօրեին Սթիվենն անցկացրեց առաջին մենամարտը նոր կարգավիճակում: Ընկերական խաղի շրջանակներում պատանի մերսիսայդցիները 7:0 հաշվով ջախջախեցին «Բերթոն Ալբիոնի» իրենց հասակակիցներին:
Այսպիսով, Սթիվեն Ջերարդն իր մարզչական կարիերան սկսեց շատ համոզիչ հաղթանակով:
Պատրաստեց Անի Գաբուզյանը
