Ազգային ժողովում արտակարգ իրավիճակ է

Ազգային ժողովում արտակարգ իրավիճակ է

Ազգային ժողովն աշխատում է արտակարգ իրավիճակի պայմաններում: Շենքում առավոտվանից ջուր չկա: Եվ խնդիրը բոլորովին էլ պլանային անջատումը չէ: Վթարի հետևանքով ջրազրկվել է խորհրդարանի ողջ շենքը: Վթարային ծառայությունն ախատում է ԱԺ տարածքում, բայց թե երբ կվերականգնվի ջրամատակարարումը, պարզ չէ:

ԱԺ աշխատակիցների մի մասն այժմ զբաղված է ջուր ներկրելով: Սակայն, հաշվի առնելով, որ շենքը բավականին մեծ է, սանհանգույցները` շատ, ապա չի բացառվում, որ շուտով գարշահոտությունը սկսի տարածվել:

Աշխատակիցներից ոմանք դժգոհում են, որ այս իրավիճակում գոնե պետք է դադարեցվեր ԱԺ արտահերթ նիստը, որպեսզի հնարավորինս քիչ մարդ մնար շենքում և կարելի լիներ «յոլա գնալ» ջրի սուղ պաշարներով:

Հ.Գ. ԱԺ հասարակայնության և տեղեկատվության միջոցների հետ կապերի վարչության պետ Արսեն Բաբայանը 168.am-ին պարզաբանեց, որ առավոտյան ժամը 7:30-ից մասնագետներն ինտենսիվ աշխատանքներ են իրականացրել, որի արդյունքում ժամը 13:00-ի դրությամբ ջրամատակարարումը վերականգնվել է: Այդ ընթացքում, ըստ նրա, ջրի ապահովումն ու հիգիենայի խնդիրը լուծվել է առանձին տարրաների միջոցով:

Գովազդ
Լրահոս
Ամենաընթերցված
ՕրվաՇաբաթվաԱմսվա
2017-11-28
Ի՞նչ կտա Հայաստանի սովորական քաղաքացիներին ՀՀ-ԵՄ համաձայնագիրը
Հայաստանում Եվրոպական միության պատվիրակության ղեկավար, Արտակարգ և լիազոր դեսպան Պյոտր Սվիտալսկին երեկ լրագրողների հետ հանդիպման ընթացքում խոսեց Հայաստան-Եվրոպական միություն նոր համաձայնագրի մասին։