«Ելքը» կդիմի Սահմանադրական դատարան
Ազգային ժողովի «Ելք» խմբակցությունը կդիմի Սահմանադրական դատարան՝ վիճարկելու համար Սևանից 100 մլն խմ հավելյան ջրառի սահմանադրականությունը: Այս մասին այսօր ԱԺ նիստում նախագծի քվեարկությունից առաջ հայտարարեց խմբակցության պատգամավոր Արտակ Զեյնալյանը:
«Մենք համոզված ենք, որ 130 հազար շահառուների հողատարածքների ոռոգման հարցը կարելի էր լուծել այլ եղանակով: Եվ բացի այս 100 մլն խմ բացթողումը, տարեկան 170 մլն խմ արդեն բաց թողնվում է, թող չներկայացվի, որ սա արվում է միայն գյուղացիների համար: Մենք կարծում ենք, որ նախագիծը ներկայացված է օրենքի խախտմամբ, այն Սահմանադրությանը հակասող դրույթներ է պարունակում: Մենք դեմ ենք քվեարկում այս օրենքին:
Միևնույն ժամանակ կոչ եմ անում իմ գործընկերներին աջակցել մեզ Սահմանադրական դատարան դիմելու հարցում՝ այս օրենքի սահմանադրականությունը վիճարելու տեսակետից՝ գոնե ապահովելու դատարանի մատչելիության մեր իրավունքը»,- ասաց Ա.Զեյնալյանը:
