Սևանա լճից հավելյալ 100 մլն խմ ջուր բաց թողնելու մասին նախագիծն ընդունվեց
Այսօր Ազգային ժողովն արտահերթ նիստում ընդունեց «Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների տարեկան ու համալիր ծրագրերը հաստատելու մասին» ՀՀ օրենքում լրացումներ կատարելու մասին օրենքի նախագիծը: Այն ընդունվեց 77 կողմ, 3 դեմ, 0 ձեռնպահ ձայների հարաբերակցությամբ:
Դեմ քվեարկեցին «Ելք» խմբակցության նիստում ներկա պատգամավորները` Լենա Նազարյանը, Մանե Թանդիլյանը և Արտակ Զեյնալյանը:
ԱԺ նախագահ Արա Բաբլոյանը հայտարարեց, որ հուլիսի 6-ին ևս մեկ արտահերթ նստաշրջան է լինելու:
