«Իմ վերաբերմունքը Լեոյի նկատմամբ չի փոխվի». Մեսսին չի հրավիրել Դիեգո Մարադոնային իր հարսանիքին
Դիեգո Մարադոնան հրավիրված չէր Լիոնել Մեսսիի հարսանիքին, բայց այդ տհաճ փաստը չի ազդի արգենտինական ֆուտբոլի 2 լեգենդների հարաբերությունների վրա:
«Ես շնորհավորում եմ Մեսսիին: Նա գիտի, թե ինչքան շատ եմ ես իրեն սիրում: Իմ հրավիրատոմսը, հավանաբար, ինչ-որ տեղ կորել է, բայց դրանից իմ վերաբերմունքը Մեսսիի նկատմամբ չի փոխվի»,- հավաստիացրել է Մարադոնան:
Մեսսիի հարսանիքը Անտոնելա Ռոկուցոյի հետ տեղի ունեցավ նրանց հարազատ Ռոսարիո քաղաքում: Հարսանիքին ներկա են եղել Մեսսիի՝ «Բարսելոնայի» և Արգենտինայի հավաքականի ներկա և նախկին թիմակիցները:
Մարադոնան գլխավորել է Արգենտինայի հավաքականը 2008-10թթ.:
Պատրաստեց Անի Գաբուզյանը
