«Անընդհատ կարելի է քննարկել «Ոսկե գնդակը», բայց, միևնույն է, Մեսսին լավագույնն է». Ինիեստա
Թվում է, թե ֆուտբոլում վերջին 10 տարիներին ամենից շատ տրվել է մեկ հարց՝ Մեսսի՞, թե՞ Ռոնալդու: Այս անգամ այդ հարցին է պատասխանել կատալոնական «Բարսելոնայի» կիսապաշտպան Անդրես Ինիեստան:
Ինիեստան նշել է, որ իր համար վերջին տարիներին և հիմա լավագույն ֆուտբոլիստը միանշանակ Մեսսին է: Մեսսին լավագույնն է, և այդտեղ երկրորդական են տիտղոսները կամ անհատական պարգևները:
Լրագրողները հետաքրքրվել են Ինիեստայից, թե արդյո՞ք նա չի ափսոսում, որ հենց Մեսսին ստացավ այն «Ոսկե գնդակը», որին, ըստ ֆուտբոլասերների՝ արժանի էր Ինիեստան: Իսպանացի կիսապաշտպանը նշել է, որ դա իր համար ցավալի չէ: «Կարծում եմ՝ այդ մրցանակն իսպանացի ֆուտբոլիստը պետք է ստանա այն ժամանակ, երբ Իսպանիայի հավաքականը լուրջ հաջողությունների է հասնում: Այդպես էր, օրինակ, մի քանի տարի առաջ: Անընդհատ կարելի է քննարկել «Ոսկե գնդակը», բայց, միևնույն է, Մեսսին լավագույնն է»,- նշել է Ինիեստան:
Սիրարփի Աղաբաբյան
