Կարեն Կարապետյանն աշխատանքից ազատել է Սիմոն Պապյանին
ՀՀ վարչապետ Կարեն Կարապետյանի որոշմամբ՝ Սիմոն Պապյանն ազատվել է Հայաստանի Հանրապետության բնապահպանության նախարարի առաջին տեղակալի պաշտոնից։
«Հիմք ընդունելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրով սահմանված կարգի 121-րդ կետի 6-րդ ենթակետը՝
Սիմոն Պապյանին ազատել Հայաստանի Հանրապետության բնապահպանության նախարարի առաջին տեղակալի պաշտոնից՝ իր դիմումի համաձայն»,- ասված է վարչապետի՝ այսօր կայացված որոշման մեջ։
Վարչապետի մեկ այլ որոշմամբ՝ Էրիկ Գրիգորյանը նշանակվել է Հայաստանի Հանրապետության բնապահպանության նախարարի առաջին տեղակալ։
