Տուխելը կհեռանա Դորտմունդի «Բորուսիայից»
Ինչպես հաղորդում է WAZ-ը, Դորտմունդի «Բորուսիայի» գլխավոր մարզիչ Թոմաս Տուխելը կհեռանա իր ակումբից:
Համաձայն աղբյուրի տեղեկության՝ դա տեղի կունենա մայիսի 31-ին: Չնայած Գերմանիայի գավաթի եզրափակչին և Չեմպիոնների լիգայի ուղեգիր նվաճելուն, Տուխելի և ակումբի գործադիր տնօրեն Հանս-Յոահիմ Վատցկեի միջև հարաբերությունները շարունակում են մնալ շատ լարված:
Տուխելի գործող պայմանագիրը գերմանական ակումբի հետ ուժի մեջ է մինչև 2018 թվականը և համաձայնագրի լուծարման դեպքում մարզիչը, որպես փոխհատուցում՝ կստանա 2 մլն եվրո:
Սպասվում է, որ դորտմունդցիների նոր գլխավոր մարզիչ կդառնա «Նիսի» ներկայիս մարզիչ Լյուսյն Ֆավրը:
Պատրաստեց Անի Գաբուզյանը
