Թուրքիան թույլատրել է Գերմանիայի հյուպատոսին այցելել գերմանացի բանտարկված լրագրողին
Պաշտոնական Անկարան թույլ է տվել Գերմանիայի հյուպատոսին հանդիպել Թուրքիայում ձերբակալված գերմանացի լրագրող Մեսալո Թոլուին, ով մեղադրվում է «ահաբեկչական քարոզչություն» իրականացնելու մեջ: Այս մասին հայտնել է Գերմանիայի արտաքին գործերի նախարարության խոսնակը: Այս մասին հայտնում է Reuters-ը:
«Մենք այս տեղեկությունը ստացել ենք հեռախոսազանգի միջոցով, սակայն դեռևս սպասում ենք գրավոր հաստատմանը»,-ասել է խոսնակը:
Ամենայն հավանականությամբ այցելությունը պետք է տեղի ունենա հունիսի 2-ին:
Թոլուին տեսակցելու գերմանական կողմի պահանջը պաշտոնական Անկարան նախկինում մշտապես մերժել էր:
Թուրքիայում ձերբակալված է ևս մեկ գերմանացի լրագրող՝ գերմանական Die Welt պարբերականի թղթակից Դենիզ Յուջելը, ով ևս մեղադրվում է ահաբեկչական գործունեություն քարոզելու մեջ: Վերջինիս, սակայն, Գերմանիայի հյուպատոսը մի քանի անգամ այցելել էր։
