ՌԴ-ում մեքենայի մեջ գտել են Հայաստանի քաղաքացու և նրա 2-ամյա որդու դիերը
Չելյաբինսկում իրավապահ մարմինների աշխատակիցները ավտոմեքենայի մեջ հայտնաբերել են Հայաստանի 46-ամյա քաղաքացու և նրա երկու տարեկան որդու դիերը:
Rusarminfo-յի փոխանցմամբ՝ մահացած տղամարդու կինը դեռևս մայիսի 1-ին դիմել էր ոստիկանություն՝ տեղեկացնելով ամուսնու և երեխայի անհետ կորելու մասին:
«Ապակիները մգեցված էին, և ոչ ոք չէր տեսել, թե ինչ կա ներսում: Տղամարդու և երեխայի դիերը հայտնաբերվել են ավտոմեքենայի հետին նստատեղին: Բռնի սպանության հետքեր չկան»,- ասել է Չելյաբինսկի քննչական բաժնի ղեկավար Իգոր Միտրոխինը:
Ըստ ոստիկանության՝ ավտոմեքենայում հայտնաբերվել է սինթետիկ թմրանյութ հիշեցնող նյութ: Մայիսի 17-ին քրեական գործ է հարուցվել «երկու անձանց սպանություն» հոդվածով, նշանակվել է դատաբժշկական փորձաքննություն տղամարդու և երեխայի մահվան պատճառը պարզելու համար:
