Թուրքիայի քրդամետ կուսակցության պատգամավորը կրկին ձերբակալվել է
Թուրքական Բաթմանի հանրապետական դատախազության կայացրած որոշմամբ՝ մայիսի 29-ին օդանավակայանում ձերբակալվել է քրդամետ Ժողովուրդների դեմոկրատական կուսակցության պատգամավոր Բեսիմե Քոնջան: Այս մասին հայտնում է Sputnik-ի թուրքական ծառայությունը:
Պատգամավորը մեղադրվում է «զինված հանցախմբի անդամ լինելու» և «ահաբեկչական խմբավորման քարոզչություն անելու» մեջ: Պատգամավորը ձերբակալվել էր նաև 2016 թվականի դեկտեմբերին, սակայն դատարանը մայիսի 3ին նրան ազատ էր արձակել:
Ներկայում կալանքի տակ են գտնվում քրդամետ կուսակցության 10 պատգամավոր, այդ թվում և առաջնորդ Սելահաթթին Դեմիրթաշը: Կուսակցության մյուս համանախագահ Ֆիգեն Յուքսեքդաղը և պատգամավոր Նուրսել Այդողանը զրկվել են պատգամավորական մանդատից:
