«Մանչեսթեր Սիթին» տրանսֆերների համար Պեպ Գվարդիոլային կհատկացնի 340 մլն եվրո
«Մանչեսթեր Սիթին» չի բավարարվի «Մոնակոյից» Բերնարդու Սիլվային գնելով: Ակումբի ղեկավարությունը տրանսֆերների համար Պեպ Գվարդիոլային հատկացրել է 340 մլն եվրո:
Կատալոնացու հիմնական նպատակների մեջ են մտնում Ալեքսիս Սանչեսը («Արսենալ»), Կայլ Ուոքերը («Տոտենհեմ») և Բենջամեն Մենդին («Մոնակո»): Գվարդիոլան հույս ունի Ուոքերի և Մենդիի գործարքների վրա ծախսել 90 մլն եվրո և ամեն կերպ համոզել Սանչեսին ընտրել «Մանչեսթեր Սիթին», այլ ոչ թե «Բավարիան»: Այս տրանսֆերներից բացի, Պեպը պլանավորում է գնել ամենաքիչը 1 կենտրոնական պաշտպան: Այս դիրքում նրա ցուցակը գլխավորում է Լիոնարդո Բոնուչին («Յուվենթուս») և Վիրջիլ Վան Դեյկը («Սաութհեմփթոն»):
Ինչպես հաղորդում է Manchester Evening News-ը, հենակետայինի դիրքում Գվարդիոլան կհրավիրի կամ Ֆաբինիոյին, կամ Վիլյամ Կարվալիոյին («Սպորտինգ»): «Մանչեսթեր Սիթին» Սիլվայի տրանսֆերի համար վճարել է 50 մլն եվրո: Ավելի վաղ քաղաքայինների շարքերը լքել էին Պաբլո Սաբալետան, Հեսուս Նավասը և Գաել Կլիշին: Նրանց կմիանան նաև Վիլլի Կաբալիերոն և Բակարի Սանյան:
Պատրաստեց Անի Գաբուզյանը
