«Վրաստանը տեխնիկապես պատրաստ է անդամակցելու ՆԱՏՕ-ին». Կվիրիկաշվիլի
Վրաստանի վարչապետ Գեորգի Կվիրիկաշվիլին պնդում է, որ Վրաստանը բոլոր գործիքներն ունի պատրաստվելու ՆԱՏՕ-ին անդամակցությանը։
Վրաստանն առաջին անգամ իր մայրաքաղաքում ընդունում է ՆԱՏՕ-ի Խորհրդարանական վեհաժողովի (ԽՎ) գարնանային նստաշրջանը, որն ընթանում է մայիսի 26-29-ին:
Սա հինգերորդ դեպքն է ՆԱՏՕ-ի պատմության մեջ, երբ Վեհաժողովի նիստն անցկացվում է դաշինքի անդամ չհանդիսացող երկրում:
«Ընդունել ենք ՆԱՏՕ-ի ԽՎ-ի գարնանային նստաշրջանը: Վրաստանն ունի բոլոր գործիքները՝ պատրաստվելու ՆԱՏՕ-ին անդամակցությանը»,մայիսի 29-ին գրել է Կվիրիկաշվիլին Twitter-ում:
Մայիսի 29-ին ՆԱՏՕ-ի Խորհրդարանական վեհաժողովը Թբիլիսիում ընթացող լիագումար նիստում հռչակագիր է ընդունել Վրաստանի եվրատլանտյան ինտեգրացմանն աջակցելու վերաբերյալ: Հռչակագրում նշվում է, որ ՆԱՏՕ-ի ԽՎ-ն Վրաստանի խորհրդարանին եւ
կառավարությանը հորդորում է ուժեղացնել անկախ դատական համակարգը, պահպանել ԶԼՄ-ներում խոսքի ազատության հնարավորությունը, խորանցել երկխոսությունը եւ թուլացնել ընդդիմադիր կուսակցությունների հետ լարվածությունը:
Փաստաթղթում աջակցություն է հայտնվում Վրաստանին նրա ժողովրդավարական զարգացման գործում եւ դեպի եվրատլանտյան ինտեգրացում նրա ճանապարհին: Նաեւ նշվում է, որ ՆԱՏՕէի ԽՎէն ողջունում է ՆԱՏՕէի եւ ԵՄէի անդամ դառնալու Վրաստանի ձգտումը, ճանաչում է բարեփոխումների իրականացման տեսակետից վրացական կողմի ձեռք բերած առաջընթացը, հաղորդել է ՌԻԱ Նովոստին:
