ԱՄՆ-ում լույս է տեսել հետխորհրդային Ադրբեջանում ոչնչացած ժողովրդավարության մասին պատմող գիրք
Վաշինգտոնում մայիսի 18-ին տեղի է ունեցել ամերիկացի հայտնի պատմաբան Օդրի Ալտշտադի «Հետխորհրդային Ադրբեջանում ոչնչացված ժողովրդավարությունը» գրքի շնորհանդեսը: Այս մասին հայտնում է ադրբեջանական azadliq.org-ը:
Հետազոտությունը սկսվում է Ղարաբաղյան պատերազմի ժամանակաշրջանից (1988-1994 թթ.): Գիրքը պատմում է հետխորհրդային Ադրբեջանի իրավիճակի և տեղի ունեցած ներքին գործընթացների մասին:
Հեղինակի խոսքով` Ադրբեջանի հետխորհրդային իշխանությունները նավթային միլիոնները և իշխանությունը իրենց ձեռքում կենտրոնացնելու համար մշտապես վարել են ճնշումների և հալածանքների քաղաքականություն:
Հեղինակը հետազոտության նյութը ավելի իրական դարձնելու համար նրանում ներառել է տարբեր միջազգային կազմակերպությունների, հետազոտողների, գիտնականների, դիվանագետների և գործարարների տարբեր ժամանակաշրջաններում ԶԼՄ-ներում Ադրբեջանի վերաբերյալ տված հարցազրույցները:
