Նյու Յորքում հետիոտներին վրաերթի ենթարկած տղամարդուն սպանության մեղադրանք է ներկայացվել
Նյու Յորքի կենտրոնի Թայմս սքվեր հրապարակում հետիոտներին վրաերթի ենթարկած տղամարդուն սպանության եւ մարդկանց դեմ մահափորձի մեղադրանքներ են ներկայացվել: Այդ մասին հայտնել է CNN հեռուստաընկերությունը՝ հղում անելով քաղաքի ոստիկանության դեպարտամենտին:
Նրա տվյալներով՝ Նյու Յորքի Բրոնքսի շրջանի 26-ամյա բնակիչ Ռիչարդ Ռոխասը միջադեպից առաջ թմրանյութ է ընդունել: Այս տեղեկությունները հաստատել է փորձաքննությունը:
Ցուցմունքներ տալու ընթացքում Ռոխասը, ինչպես նշում է հեռուստաալիքը,-ասել է, թե «աստված է դրդել իրեն» կատարելու այդ հանցագործությունը: Բերման ենթարկելիս նա ոստիականներին խնդրում էր գնդակահարել իրեն:
