Ֆրանսիայի նախարարների նոր կաբինետի կազմը կհայտարարվի մայիսի 17-ին
Ելիսեյան պալատը Ֆրանսիայի նախարարների նոր կաբինետի կազմը կհայտարարի մայիսի 17-ին ժամը 15:00-ին (Երեւանի ժամանակով ժամը 17:00-ին): Այդ մասին հայտնել է Ֆրանսիայի նախագահի վարչակազմը:
Հաղորդագրության մեջ նշված է, որ նախարարների անունների հայտարարումը մեկ օրով հետաձգելը «կապված է նրանց հարկային հայտարարագրերն ստուգելու անհրաժեշտության հետ»:
Ֆրանսիայի նախագահ Էմանուել Մակրոնը մայիսի 16-ին Ելիսեյան պալատում վարչապետ Էդուար Ֆիլիպի հետ կոնսուլտացիաներ է անցկացրել նախարարների կաբինետի կազմի շուրջ, հաղորդել է ՏԱՍՍ-ը:
