ՊՍԺ-ն հետաքրքրվում է «Մոնակոյի» մարզիչ Ժարդիմով
«Մոնակոյի» գլխավոր մարզիչ Լեոնարդու Ժարդիմը հայտնվել է ֆրանսիական ՊՍԺ-ի հետաքրքրությունների շրջանակներում:
42-ամյա պորտուգալացի մասնագետը դժգոհ է, որ «Մոնակոյի» ղեկավարությունը նոր պայմանագրեր է ստորագրում ֆուտբոլիստների հետ, բայց դեռ չի վերանայել իր պայմանագրի պայմանները, որի ժամկետը լրանում է 2019 թվականին:
ՊՍԺ-ն հետևում է իրավիճակի զարգացումներին: Ինչպես հաղորդում է Foot Mercato-ն, հայտնի տրանսֆերային միջնորդն արդեն կապվել է մարզչի հետ և քննարկել Փարիզում կարիերան շարունակելու հնարավորությունը:
Ժարդիմի նկատմամբ հետաքրքրություն են ցուցաբերում նաև «Արսենալը», «Ինտերը», «Ռոման» և չինական ակումբները:
Պատրաստեց Անի Գաբուզյանը
