The Washington Post-ը պնդում է, որ Թրամփը գերգաղտնի տեղեկատվություն է փոխանցել Լավրովին
ԱՄՆ-ի նախագահ Դոնալդ Թրամփը Ռուսաստանի արտաքին գործերի նախարար Սերգեյ Լավրովին գերգաղտնի տեղեկատվություն է հայտնել «Իսլամական պետություն» (ԻՊ) ահաբեկչական կազմակերպության վերաբերյալ: Ինչպես պնդում է The Washington Post հրատարակությունը, դա տեղի է ունեցել մայիսի 10-ին Սպիտակ տանը կայացած հանդիպման ժամանակ։
Թերթը, վկայակոչելով նախկին եւ գործող պաշտոնյաների, գրում է, որ տրամադրված տեղեկությունները հարվածի տակ են դրել ԻՊ-ի մասին «հետախուզական տվյալների կարեւորագույն արտասահմանյան աղբյուրին», որը թույլ չէր տալիս այդ տեղեկատվությունը հաղորդել Ռուսաստանին: Նաեւ նշվում է, որ Թրամփն իբր Մոսկվային ավելի շատ տեղեկատվություն է հայտնել, քան իր դաշնակիցներին:
Ավելի ուշ ԱՄՆի պետքարտուղար Ռեքս Թիլերսոնը հերքել է այդ հոդվածում շարադրված տեղեկությունները: Նա պնդում է, որ Լավրովի հետ Թրամփի հանդիպման ընթացքում քննարկվել են մի շարք հարցեր, որոնց թվում եղել են համատեղ ջանքերն ահաբեկչության դեմ մղվող պայքարում: Այդ երկխոսության ընթացքում խոսվել է կոնկրետ սպառնալիքների մասին, բայց կողմերը չեն քննարկել աղբյուրները, մեթոդները կամ մարտական գործողությունները»,-գրել է The Washington Examiner-ը:
Նաեւ հերքում է հետեւել ԱՄՆ-ի նախագահի ազգային անվտանգության հարցերով խորհրդական Հերբերտ Մաքմասթերի կողմից: «Այն, ինչպես հրատարակությունը նկարագրում այդ պատմությունը, կեղծիք է»,-հայտարարել Է պաշտոնյան:
