Ռուսաստանի հետ ընթացիկ հարաբերությունների վիճակը վնաս է պատճառում ԱՄՆ-ին և ողջ աշխարհին. Թիլերսոն
Ռուսամերիկյան գործող հարաբերությունները չեն պատասխանում պաշտոնական Վաշինգտոնի և ողջ աշխարհի շահերին: Ինչպես հաղորդում է ՏԱՍՍ-ը, այդ մասին հայտարարել է ԱՄՆ պետքարտուղար Ռեքս Թիլերսոնը:
«Կարծում եմ՝ շատերն են տեսնում, որ դա աշխարհի համար օգտակար չէ: Ընդհանրապես օգտակար չէ մեզ` ամերիկացիների համար, մեր ազգային անվտանգության շահերի համար, որպեսզի այդ հարաբերությունները մնան այսպիսի ցածր մակարդակի վրա: Արդյոք կարող ենք մենք սա ուղղել՝ տեսնենք»,-NBC հեռուստաընկերությանը տված հարցազրույցում ասել է պետքարտուղարը:
Միաժամանակ, նա ընդգծել է, որ դեմ է երկու երկրների հարաբերություններին վերագրվող restart տերմինի օգտագործմանը:
